Fjetja me shpinë gjatë tre muajve të fundit të shtatzënisë mund të rrisë rreziqet e lindjes. Kur flini e shtrirë gjatë shtatzënisë, e tërë pesha e mitrës shtypë një venë të madhe në abdomenin tuaj e cila quhet ‘vena inferiore cava’ dhe kjo e redukton gjakun i cili rikthehet në zemër dhe njëkohësisht e zvogëlon furnizimin e gjakut që shkon në mitër.
Por, sa është rreziku i të lindurit një foshnjë të vdekur si pasojë e fjetjes me shpinë? Rreziqet, sipas NHS-së, janë 1 në 200 lindje. Por, duhet pasur parasysh se lindja e foshnjës së vdekur mund të ndodh për shumë arsye dhe ndonjëherë nuk keni çfarë të bëni për ta parandaluar atë.
Megjithatë, thjesht duke i ndryshuar pozicionet në të cilat flini mund ta ulni rreziku. Ekspertët rekomandojnë të flini në krah të majtë gjatë kohës kur jeni shtatzënë sepse kështu rrisni sasinë e gjakut dhe vlerave ushqyese të cilat arrijnë deri te foshnja juaj. Nëse keni fjetur me bark përpara shtatzënisë, mund të vazhdoni të flini në këtë pozicion në muajt e parë të shtatzënisë. Sidoqoftë, pas tremujorit të parë, thjesht nuk do të jeni në gjendje të shtriheni më përmbys për shkak të barkut, prandaj shijoni gjumin në këtë pozicion në 3-mujorin e parë.
