David Beckham i bëri fansat të qeshin pasi u pa duke qëndruar në majë të gishtave në foton e Krishtlindjeve të familjes së tij. Ylli i futbollit dhe gruaja e tij Victoria Beckham postuan në faqet e tyre në Instagram për të ndarë një foto të ëmbël të të gjithë familjes që dukej elegante për sezonin festiv. Cruz qëndronte në anën e majtë pranë vëllait të tij Brooklyn dhe motrës së tij Harper Seven. Victoria dhe David qëndruan në mes.
Ndërkohë, Romeo qëndronte në të djathtë të fotos pranë babait të tij. Ajo që nisi si një foto e thjeshtë e Krishtlindjeve u bë një burim argëtimi për fansat kur vunë re David ishte duke qëndruar në majë të gishtave të tij ndërsa pozonte për kamerën. Shumë fansa supozuan se ai donte të krahasohej me djalin e tij i cili është më i gjatë se ai.
A e vëren dikush tjetër që David duhet të qëndrojë me majë të gishtave të këmbëve për t’u përshtatur me gjatësinë e djemve të tij?
Por sa i gjatë është David Beckham? Sipas burimeve të shumta në internet, ish-ylli i Manchester United është 1.80 m. Ndërkohë, Romeo është rritur mjaft gjatë viteve të fundit, megjithëse gjatësia e tij e fundit e raportuar ishte 1.72 m. Kujtojmë, se vitin e kaluar, kur Romeo ndau një postim të ëmbël për ditëlindjen e babait të tij, u përmendën gjatësitë e tyre.
