Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Bota

Francë, i veshur si ninxha burri sulmon me shpatë dy policet!

Një ngjarje e rëndë është shënuar në Francë. Një burrë i veshur si ninxha ka sulmuar me shpatë dy police femra. Ngjarja ka ndodhur pasditen e sotme, ndërsa për të neutralizuar agresorin efektivët u detyruan ta plagosnin atë.

Mediat e huaja shkruajnë se aktualisht nuk ka të dhëna se autori ka pasur motive terroriste.

Një zëdhënëse e policisë tha se autori kishte vjedhur një automjet dhe kishte shkaktuar një aksident, pas së cilës ai sulmoi dy policet femra që ishin thirrur në vendngjarje, duke plagosur njërën në fytyrë dhe tjetrën në mjekër.

Burri u transportua në spital me helikopter dhe tani po trajtohet në gjendje të rëndë, shkruajnë mediat, ndërsa deri më tani nuk dihet identiteti i tij.