Granit Xhaka dhe bashkëshortja e tij, Leonita, janë bërë prindër për herë të dytë. Ata janë bekuar sërish me një vajzë, e cila ka ardhur në jetë ditën e sotme.
Lajmin e bukur e ka dhënë vetë futbollisti, pasi ka ndarë në rrjete sociale një foto shumë emocionuese, duke mbajtur të voglën në krahë.
Graniti është shprehur më shumë se i lumtur për ardhjen në jetë të vajzës dhe ka zbuluar emrin e veçantë që kanë zgjedhur për të.
Nuk kam më vetëm një princeshë të bukur, tani kam dy. Laneya Xhaka 24/04/2021, ka shkruar Graniti përkrah fotos.
Origjina e emrit Lanyea nuk është e njohur, por përdoret në mbarë botën. Thuhet se ky emër frymëzon gjallëri, këmbëngulje dhe bujari.
Në muajin janar, Granit Xhaka dhe bashkëshortja e tij, Leonita, zbuluan se së shpejti do të bëheshin prindër për herë të dytë. Ata ja dolën mbanë që lajmin ta mbanin të fshehtë për një kohë të gjatë derisa vendosën që ta zbulonin vetë për ndjekësit e tyre në rrjete sociale.
Familja jonë e vogël po rritet… Mezi po presim të të njohim, -shkroi Graniti përkrah fotos me familjen e tij.
Më pas në një formë shumë origjinale ata zbuluan gjininë e fëmijës. Graniti dhe Leonita publikuan në Instagram disa foto tortash të vogla, mbi të cilat shkruhej: “Është vajzë”.
Kujtojmë se dy vite më parë çifti i njohur u bënë prindër për herë të parë me një vajzë. Atë e pagëzuan me emrin Ayana dhe sot ajo merr rolin e motrës së madhe.
