Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Tech

Gati Youtube Shorts, pritet të rivalizojë Tik Tok!

Aplikacioni që pritet të konkurojë rrjetin social Tik Tok,  YouTube Shorts, është prezantuar globalisht dhe tani përdoruesit e YouTube mund të përdorin këtë shërbim të ri video pothuajse kudo në botë.

Shërbimi Shorts u lançua për herë të parë në Indi vitin e kaluar, përpara se të zgjerohej në rreth 26 vende, përfshirë Shtetet e Bashkuara dhe Mbretërinë e Bashkuar. Ndërkaq Shorts tani do të jetë në dispozicion “në më shumë se 100 vende të botës ku YouTube është gjithashtu i disponueshëm”.

YouTube Shorts po përpiqet të konkurojë TikTok për t’u bërë zgjedhja e parë për përdoruesit në të gjithë botën kur bëhet fjalë për video të shkurtra.

Është pohuar gjithashtu se po studiohen mënyra që lidhjet nga klipet e shkurtra të çojnë në video në YouTube nga të cilat merren pjesë të muzikës.

Ironikisht, ndërsa YouTube përpiqet të imitojë formatin e TikTok, TikTok po eksperimenton me formate që janë më afër fokusit tradicional të YouTube. Kohët e fundit është trefishuar gjatësia maksimale e videos në tre minuta për të gjithë dhe ngadalë po fut aplikacione në platformat televizive si Android TV dhe Fire TV.