George Clooney së fundmi ka pranuar se ai e ka shkatërruar plotësisht rolin e Batman në ‘Batman & Robin’ të vitit 1997. Clooney po reflekton edhe një herë mbi veprimin e tij të dështuar si superhero në portretin e Batman-it. Aktori dhe regjisori 60-vjeçar foli në një ‘Q&A’ pas shfaqjes së përpjekjes së tij më të re regjisoriale në ‘The Tender Bar’ ku u pyet për aktrimin në filmat e suksesshëm me buxhet të madh. Ai u shpreh:
Unë bëra një film me superhero dhe e kuptova aq keq sa nuk më lejuan të afrohesha xhirimit.
Clooney ndoqi Michael Keaton dhe Val Kilmer duke luajtur Batman në ekranin e madh, megjithëse ‘Batman & Robin’ ishte një dështim kritik dhe komercial i cili në fakt e ndaloi ekskluzivitetin për disa vjet.
Një nga kritikat më të mëdha të filmit ishte kostumi i tij famëkeq, i cili nuk u pëlqye aspak, por Clooney nuk donte të diskutonte për këtë. Clooney kohët e fundit zbuloi se ai nuk do t’i lejojë fëmijët e tij, binjakët katërvjeçarë Alexander dhe Ella, ose gruan e tij Amal, të shikojnë ‘Batman & Robin’. Ai ka vazhduar duke thënë se:
Unë dua që gruaja ime të ketë pak respekt për mua.
Ndërsa filmi në vetvete shënoi një periudhë të vështirë në karrierën e tij, ai e ndihmoi dhe e bindi veten se duhet të vazhdonte më tej.
Unë nuk isha i mirë në të, nuk ishte një film i mirë. Ajo që mësova nga ai dështim ishte se më duhej të mësoja sërish se si po punoja. Tani, unë nuk isha vetëm një aktor që merrte një rol, po mbahesha edhe si përgjegjës për vetë filmin.
Clooney së fundmi gjithashtu ka drejtuar filmin ‘The Tender Bar’, ku luajnë edhe Ben Affleck dhe Tye Sheridan, dhe del në kinema në 17 dhjetor të këtij viti.
