Holta Zaçaj është anëtarja e nëntë e Gjykatës Kushtetuese. Mbledhja e Posaçme e gjyqtarëve të Gjykatës së Lartë zhvilloi procedurën e votimit për zgjedhjen e anëtarit të Gjykatës Kushtetuese, bazuar në listën e dërguar nga Këshilli i Emërimeve në Drejtësi.
Në përfundim të procesit të votimit, rezultoi se kandidatja Zaçaj mori 6 vota dhe kandidatja Elsa Miha mori 6 vota, ndërkohë që 3 vota u shpallën të pavlefshme.
Sipas rregullave, nëse nuk arrihet shumica e nevojshme, kandidati i renditur i pari nga Këshilli i Emërimeve në Drejtësi konsiderohet i zgjedhur dhe komisioni deklaroi fituese kandidaten Holta Zaçaj.
Në këto kushte, Mbledhja e Posaçme e gjyqtarëve vendosi që Holta Zaçaj tw zgjidhet anëtare e Gjykatës Kushtetuese.
