Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Hailey Bieber zbulon të vërtetën pas videos ku Justin u akuzua se po i bërtiste!

Justin Bieber është vënë shpesh herë në qendër të kritikave nga fansat, pasi nga disa video apo foto të publikuara së bashku me bashkëshorten e tij, Hailey Bieber, ai duket sikur i bërtet apo sillet keq me të. I tillë ishte dhe rasti i fundit kur një video e tyre pas një koncerti në Las Vegas u bë virale.

Shumë prej përdoruesve të rrjeteve sociale menduan se ai po i bërtet asaj. Nga ana tjetër, pati edhe persona që i dolën në mbrojtje duke thënë se ai ka qenë entuziast prej atmosferës në koncert.

Pas gjithë thashethemeve, më në fund ka reaguar vetë Haileyt. 24-vjeçarja ka postuar në “Instastory” një foto ku shihet duke u puthur me këngëtarin, teksa e cilëson fundjavën e tyre të mrekullueshme, duke hedhur kështu poshtë zërat për një debat të mundshëm.

Duke rikujtuar se sa e mahnitshme ishte fundjava e kaluar. Kalova shumë bukur e rrethuar nga kaq shumë dashuri. Çdo histori tjetër që po qarkullon është më shumë se false. Mos u ushqeni nga njerëzit negativë që flasin gjepura.