Premier League ka anuluar ndeshjet e fundjavës në respekt të Mbretëreshës Elizabeth II, e cila ndërroi jetë një ditë më parë. Kjo përfshin ndeshjen e së hënës midis Leeds dhe Nottingham Forest. Edhe ndeshjet në Ligën Angleze të Futbollit gjithashtu nuk do të zhvillohen.
Një minutë heshtje u mbajt në ndeshjet evropiane të Manchester United, Arsenal, West Ham dhe Hearts, dhe në garat me kuaj, sporti më i lidhur me Madhërinë e Saj, ndërsa u përshkrua si “mbështetësja më e madhe”.
David Beckham ishte ndër figurat sportive që i kanë bërë homazhe Mbretëreshës Elisabeth II, duke thënë se “ajo frymëzoi me udhëheqjen e saj”.
Roger Federer tha se “eleganca, hiri dhe besnikëria” e saj ndaj detyrës “do të jenë në histori”.
Golashënuesja Ellen White, shkroi në Twitter se ishte “shumë e trishtuar nga lajmi”, duke e quajtur atë një “monarke të shquar dhe frymëzuese”.
Fituesja e Medjales së Artë olimpike, Sir Mo Farah shkroi: Mbretëresha ishte e dashur në të gjithë botën.
