Këngëtarja me prejardhje shqiptare, Rita Ora, çdo ditë e më shumë na bën krenarë.
Ajo është një ndër më të pëlqyerat në Evropë, ku zhanri të cilin e këndon dhe këngët e saj janë shumë të dëgjuara.
Duke u marrë si shembull i suksesit dhe një vajze tipike shqiptaro-britanike, Rita Ora duket se ka përfunduar edhe në librat shkollorë në Spanjë.
Ka qenë një përdorues i rrjetit social Twitter që ka publikuar një fotografi të librit të anglishtes për shkollën e mesme, ku pjesë e tij është edhe Rita Ora.
Në një faqe ku mësohet kryesisht rreth orareve për të ardhmen, aty shfaqet një imazh i këngëtares shqiptare kur ishte adoleshente.
Kjo fotografi vjen nga koha kur ajo ishte nxënëse e shkollës “Sylvya Young Thatre Schoool”, në Londër.
Dikush të më konfirmojë nëse kjo është Rita Ora dhe të më shpjegojë se çfarë bën në një libër të Anglishtes së Mesme. Ka shkruar përdoruesi i Twitterit, që ka postuar edhe faqen e librit ku gjendet këngëtarja.
E lumtur për këtë sukses, edhe nëna e këngëtares, Vera Ora, rishpërndau këtë postim në InstaStory.
