Celebrities Gossip Showbiz

Irina Shayk shijon pushimet në Ibiza me mikeshën e saj!

Irina Shayk dukej rrezatuese si kurrë më parë teksa hëngri drekën me Stella Maxwell në restorantin Es Xarcu në Ibiza, Spanjë të enjten. Modelja, 36 vjeçe, shfaqi pamjen e saj ikonike teksa veshi bikini të zeza me një detaj që vinte në pah mesin e saj të tonifikuar.

Bukuroshja ruse kishte veshur edhe një fund ngjyrë blu dhe të bardhë së bashku me një palë syze dielli. Irina i shtoi veshjes një gjerdan floriri, duke lënë flokët e saj brune të lira poshtë shpatullave. Mikesha e saj, modelja tjetër Stella, 32 vjeçe, shfaqi barkun e saj të tonifikuar teksa kishte veshur bikini ngjyrë bezhë.

Ylli gjithashtu kishte veshur një palë pantallona të shkurtra të bardha dhe e kompletoi look-un e saj me një çantë të zezë. Në fillim të këtij viti, gjatë një interviste për Vogue britanike, Irina foli për fillimin në industrinë e modelingut në moshë të re dhe se shkoi në Paris për të modeluar kur ishte 19 vjeçe.

“Ishte një apartament me tetë modele që ndanin dy tualete,” shpjegoi ajo. Ndonëse nuk fitonte shumë para dhe disa ditë nuk kishte mundësi të hante, Irina shtoi:

Por, e dini, ishte koha më e bukur që kam kaluar ndonjëherë.

Ajo gjithashtu tregoi se i qëndroi besnike asaj që ishte dhe nuk ndoqi standardet e shoqërisë për të humbur shumë peshë për të qenë modele.