Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Showbiz

Ish-Zonja e Parë e SHBA-ve, Michelle Obama nderohet me çmimin e rëndësishëm në SHBA!

Ish-Zonja e Parë e SHBA-ve, Michelle Obama është nderuar së fundmi nga Muzeu i të Drejtave Civile në SHBA. Muzeu Kombëtar i të Drejtave Civile në Memphis, Tennessee njoftoi se Michelle kishte marrë të ashtuquajturin Çmimin e Lirisë për “kontributet e saj të rëndësishme në të drejtat civile dhe të njeriut”. Obama ishte në krah të bashkëshortit të saj dhe ish-Presidentit amerikan Barack Obama.

Lëvizja protestuese ‘Fushata e të varfërve’ e iniciuar nga Michelle Obama u nderua gjithashtu në ngjarjen gala të enjten në mbrëmje. Muzeu Kombëtar i të Drejtave Civile, i hapur 30 vjet më parë, është ndërtuar rreth ballkonit të ish-Motel Lorraine në Memphis, ku aktivisti për të drejtat civile Martin Luther King u vra në 1968. Fituesit e Çmimit të Lirisë së kaluar përfshijnë Oprah Winfrey, Stevie Wonder, Harry Belafonte dhe Nelson Mandela. Michelle u shpreh se:

Disa prej tyre janë jehonë e asaj me të cilën u përballën ata breza të mëparshëm. Urrejtje, fanatizëm, diskriminim. Të drejtat e votimit po anulohen. Brutaliteti i policisë kërcënon shumë nga të dashurit tanë. Por disa sfida, janë të reja ose më urgjente për kohën tonë. Njerëzit në pushtet që nxisin një sulm ndaj Capitol-it tonë. Rreziku i një klimë në ndryshim që kërcënon të gjithë planetin tonë. Unë as nuk e kam përmendur virusin që tashmë ka marrë jetën e gati 700,000 amerikanë … pra, është e natyrshme të ndiheni të dërrmuar këto ditë. 

Michelle Obama është shfaqur si një nga gratë më me ndikim të shekullit 21. Gjatë episodit të ri të podcast-it të saj, disa kohë më parë, ish-Zonja e Parë, zbuloi për dëgjuesit se po kalonte një gjendje të lehtë ankthi dhe depresioni. Ditët e vështira të pandemisë, masat e rrepta kundër koronavirusit, izolimi dhe distancimi social po ndikonin shumë tek gjumi dhe frymëmarrja e saj.

Ndërkaq ajo shprehu se:

Duhet të them, se të zgjohesh dhe të dëgjosh lajmet, të zgjohesh e të shohësh nëse qeveria është përgjigjur ose jo, të zgjohesh me një tjetër histori të një njeriu me ngjyrë që në një mënyrë apo tjetrën është ç’njerëzuar, lënduar, vrarë ose akuzuar padrejtësisht për diçka, është rraskapitëse. E gjithë kjo më ka bërë të ndiej një peshë që u bë kohë që nuk e ndiej në jetën time.