Izmir Smajlaj vijon të dhurojë paraqitje të jashtëzakonshme. Atleti shkodran fitoi medaljen e tretë të artë për vitin 2021, teksa u shpall kampion në Mitingun Ndërkombëtarë të sallave të mbyllura që u zhvillua më 24 shkurt në Beograd të Serbisë.
I ftuar sonte në një linjë telefonike në emisionin sportiv “Paso” në Top Albania Radio ishte trajneri i tij, Gjergj Ruli. Të dy ndodhen për momentin në Poloni dhe Gjergji tregon kushtet e vështira, me të cilat po përballen për shkak të ndryshimit të klimës.
Ruli shprehet se aty është çdo gjë e mbyllur dhe stërvitjet bëhen në ambient të hapur. Rezultati i Izmirit në garën e atletikës ishte në vendin e tretë. Ishin kushtet e vështira ato që e penguan Izmirin për të dhënë rezultatin maksimal, ndërsa finalistët e shikonin si konkurrentin më të fortë.
Gjithashtu, Ruli e krahason Izmirin me një makinë “Ferrari” në këtë garë.
