Përbërësit ushqimor shtesë, të cilët i shtohen ushqimit për të ruajtur shijen ose për të përmirësuar shijen, pamjen ose vetitë e tjera shqisore, lidhen me një rrezik në rritje të diabetit të tipit 2, ka treguar një studim i ri. Sipas studimit të publikuar në revistën “PLOS Medicine”, nitritet dhe nitratet janë përbërës kimikë që përdoren si aditivë ushqimorë për të rritur jetëgjatësinë, ndërsa studiuesit sugjerojnë një lidhje midis ekspozimit dietik ndaj nitriteve dhe rrezikut të diabetit të tipit 2.
Hulumtuesit analizuan informacionin e vetë-raportuar të dietës me rezultatet shëndetësore duke përdorur ekspozimin e detajuar të nitriteve/nitrateve që rrjedhin nga baza dhe burime të shumta të të dhënave. Studiuesit zbuluan se pjesëmarrësit në grupin NutriNet-Sante, të cilët raportuan një konsum më të lartë të nitriteve në përgjithësi dhe veçanërisht nga aditivët e ushqimit dhe burimet jo aditiv, kishin një rrezik më të lartë të zhvillimit të diabetit të tipit 2. Autorët e studimit thanë:
Ky është studimi i parë grupor në shkallë të gjerë që sugjeron një lidhje të drejtpërdrejtë midis nitriteve me origjinë nga aditivët dhe rrezikut të diabetit të tipit 2. Ai gjithashtu vërteton lidhjet e sugjeruara më parë midis nitriteve totale dietike dhe rrezikut T2D.
Grupi përfshinte një numër më të madh individësh më të rinj, më shpesh gra, të cilët shfaqnin sjellje më të shëndetshme. Studiesit shpjeguan:
Këto rezultate ofrojnë një provë të re në kontekstin e diskutimeve aktuale në lidhje me nevojën për një reduktim të përdorimit të përbërësve të nitriteve në mishin e përpunuar nga industria ushqimore dhe mund të mbështesin nevojën për rregullim më të mirë të ndotjes së tokës nga plehrat.
