Normalisht që veshja është pasqyra e shpirtit dhe karakterit tuaj, prandaj duhet t’i kushtoni më shumë vëmendje. Studimet kanë zbuluar se ju mund të zbuloni rreth personalitetit të dikujt, statusin, moshën dhe të ardhurat, vetëm duke parë këpucët e tij. Në këtë kontekst, fraza, “gjithmonë vishu për sukses” merr një kuptim praktik. Në këtë artikull do të njiheni me mënyrat gjeniale se si veshja mund të ndikojë në produktivitetin tuaj.
1. Rrobat jo të zakonshme ju bëjnë të dukeni më kompetent. Njerëzit që veshin rroba që mund të konsiderohen të papërshtatshme, në të vërtetë mund të kenë një imazh më të mirë dhe mund të shihen si specialistë në linjën e tyre të punës.
2. Stile të caktuara rritin mendimin tuaj krijues. Veshja zyrtare, siç zbuloi një studim, rrit mendimin tonë abstrakt. Kjo shpjegohet me faktin se rrobat profesionale krijojnë distancim të caktuar shoqëror, dhe kur njerëzit janë më të largët, ata priren të gjejnë zgjidhje më krijuese.
3. Stili juaj individual ndihmon për të prezantuar veten ashtu siç duhet. Ju nuk duhet të krijoni tek punëdhënësit tuaj një ide ndryshe nga ajo që paraqiteni. Në vend të kësaj, ju duhet të visheni në mënyrën që përshtatet me karakterin tuaj. Sepse, siç thonë specialistët, personaliteti ka rëndësi për punëdhënësit më shumë sesa ju mendoni.
4. Veshja e përshtatshme ju bën të ndiheni më të vëmendshëm. Nëse ju visheni posaçërisht për punë, ju do të jepni më shumë produktivitet. Në eksperiment, njerëzit që kishin veshur një uniformë bënin më pak gabime ndërsa bënin detyra që kërkonin vëmendje, dhe studiuesit e shpjegojnë këtë si me kuptimin simbolik ashtu edhe me përvojën fizike të veshjes së rrobave të tilla.
5. Rrobat tuaja mund të zbulojnë diçka për qëllimet tuaja. Truri ynë në thelb bën gjykime dhe ne krijojmë përshtypje të gabuara për gjëra të ndryshme. Pra, ndërsa rrobat tona përbëjnë pjesën më të madhe të prezantimit tonë vizual, ne duhet t’i zgjedhim me kujdes për të treguar se mbartim qëllima të mira.
