Opinionisti i njohur, Arjan Konomi, njihet në përgjithësi për paraqitjet e shpeshta të tij në TV, përfshirë edhe punën ndër vite me shkrime të shumta.
Tashmë e njohim të gjithë si opinionistin e programit të njohur “Për’puthen”. Mbrëmjen e sotshme ishte i ftuar në Top Albania Radio në emisionin “Pardon My French” të moderuar nga Jonida Aliçkolli dhe Kejvin Kalo.
Për të shuar kuriozitetin e të gjithëve, normalisht që fokusi i intervistës ishte në lidhje me programin “Për’puthen”.
Dihet që nga programi janë larguar shumë konkurrentë, por gjithashtu edhe janë penalizuar. I pyetur nëse i vjen keq që dikush prej tyre është larguar para kohe, Arjani shprehet:
Më vjen keq për Beartin nga Kosova ishte një personazh që iku shumë shpejt dhe ndoshta po të kishte qëndruar do të kishte qenë shumë më bukur…
Kujtojmë, se Beart Rexhepi po përjeton një romancë me Tean. Të dy kanë bërë publike lidhjen e tyre, pasi dolën nga programi. Por këto ditë po flitet për një ndarje të mundshme, ndoshta është për vëmendje ose e vërtetë, ende nuk kemi një konfirmim të sigurtë…
