Të gjithë flasin për ta. Bëhet fjalë për banorët e shtëpisë më të famshme në Shqipëri, pikërisht për ata që prej më shumë se 100 ditësh jetojnë në shtëpinë e “Big Brother Vip”. Teksa dita-ditës po i afrohen gjithnjë e më shumë finales, banorët po i ndjejnë ethet që vijnë e shtohen.
Gjatë spektaklit të mbrëmjes së djeshme, “Vëllai i Madh” u ka zbuluar banorëve se në finale do të jenë katër persona. Më pas moderatorja Arbana Osmani, i ka pyetur ata me radhë ata se kë duan në finale. Secili prej banorëve ka thënë emrat që do donin që të kishin në finale, duke dhënë edhe arsyet.
Einxhel: Beniadën, Monika dhe Arjola. Sepse dua një finale vetëm me vajza dhe gra.
Beniada: Einxhel, Arjola dhe është e çuditshme por një person që jam lidhur këto ditë e dua ta njoh akoma është Egzona.
Monika: Arjola, Einxhel dhe Beniada. Te jemi një finale me femra.
Iliri: Arjola, Beniada dhe Tan Brama. Me Tanin qesh shumë, argëtohem e kërcej. Arjolën e kam thënë këtë gjë që javën e parë. Beniada sepse pa parfumin e Beniadës mendoj se nuk do kishte aromë kjo shtëpi.
Arjola: Po them njerëzit që unë dua, pasi finalen e meritojnë të gjithë. Kam dashur që edhe Einxhel të jetë në finalen time, por po them nga lidhja që kam krijuar me disa persona që nuk kam pasur fatin dhe shansin t’i njoh, siç janë Beniada, Monika dhe Iliri, që kam krijuar një miqësi shumë të mirë këtu brenda.
Donaldi: Dua të jem në finale me Egoznën, Beniadën, Monikën, sepse dua me këta të jem në finale, më pëlqejnë. Ndërsa meritojnë finalen, sipas dinamikës së ngjarjeve që kanë ndodhur mendoj, Ilir, Beniada dhe Monika.
Egzona: Finalen kisha dashur ta ndaj me Ilirin, Donaldin dhe Arjolën. Ilirin dhe Donaldin për dimensionet në të cilat e kanë treguar vetën në gjithë eksperiencën e tyre dhe për energjinë që kanë shpenzuar. Për Arjolën për kauzën e saj që lufton prej ditës së parë.
Tani: Donaldi, Iliri dhe Arjola, mendoj se janë treshja më e fortë në “Big Brother VIP” dhe mendoj se e meritojnë një finale të tre.
