“Big Brother Vip Albania” është një nga programet televizive më të ndjekura të momentit, me një shikueshmëri shumë të lartë. Në vetëm pak kohë, banorët e shtëpisë më të famshme në Shqipëri, fituan zemrat e publikut dhe u kthyen në qendër të vëmendjes mediatike.
Personazhet që kanë qenë dhe janë pjesë e shtëpisë padyshim që kanë krijuar shumë zhurmë, madje aq shumë sa jehona e tyre ka kaluar dhe kufijtë e vendit tonë. Pak më parë me anë të një postimi në llogarinë zyrtare të gazetës së famshme zvicerane 20 Minuten, teksa kanë publikuar disa ‘guilty pleasures’ (gjëra që i shohim apo i bëjmë por na vjen turp t’i themi) dhe ndër morinë e gjërave, ku përfshihej dhe seriali legjendar për fëmijë ‘Dragon Ball’ ishte dhe një foto e Einxhel dhe DAGZ ku shfaqeshin të përqafuar në shtrat dhe krahas ishte e shënuar “Big Brother VIP”.
Epo, padyshim që jehona e “Big Brother VIP” ka shkuar kudo!
Kompania prestigjioze e analizave të mediave sociale Terra, ka kaluar në lupën e saj showbiz-in në Shqipëri duke përllogaritur për personazhet e njohur të medias dhe artit numrin e reagimeve, komenteve dhe ‘shares’ në Instagram. Janë marrë nën shqyrtim personazhe të showbiz-it, politikanë apo edhe bashki dhe institucione të vendit për sa i përket impaktit që ata kanë në media sociale. Sipas këtyre të dhënave, si personazhet publike më të ndjekur rezultojnë Kryeministri Edi Rama dhe moderatorja Arbana Osmani.
Nga ana tjetër, “Big Brother VIP” u shpall termi më i kërkuar në Google për vitin 2021 në Shqipëri dhe Donald Veshaj, personazhi më i kërkuar gjithashtu.
