Aktori i njohur Kingsley Ben-Adir do të jetë ylli i cili do të luajë rolin e Bob Marley. Aktori 35-vjeçar britanik, i cili më parë ka luajtur edhe Presidentin Barack Obama në “The Comey Rule” të Showtime dhe Malcolm X në “One Night in Miami” tani do të luajë rolin si muzikanti ikonë xhamajkan në një biografi të ardhshme pa titull, sipas “Deadline”, “Variety” dhe “The Hollywood Reporter”.
Filmi do të drejtohet nga Reinaldo Marcus Green, i cili bëri debutimin e tij regjisorial me “King Richard”, i cili së fundmi mori gjithsej gjashtë nominime për Oscar, duke përfshirë filmin më të mirë dhe aktorin më të mirë për Will Smith. Zach Baylin, i cili fitoi çmimin Oscar për skenarin më të mirë origjinal për “King Richard”, do të shkruajë skenarin për filmin e Marley-t. Legjenda e “Reggae”, Marley vdiq në vitin 1981 në moshën 36 vjeçare. Djali i tij Ziggy Marley, gruaja Rita Marley dhe vajza Cedella Marley do të shërbejnë si prodhuesit e filmit, raportoi “Variety”.
Ben-Adir i tha British GQ në vitin 2020 rreth krijimit të filmit “One Night in Miami” me regji të Regina King dhe se si kjo ndryshoi këndvështrimin e tij për rolet.
Kam pasur një epifan në gjysmë të rrugës së xhirimit të “One Night In Miami” se kjo ishte mënyra se si unë dua të punoj, kjo ishte mënyra se si kam ëndërruar për të punuar, me këtë nivel intensiteti. Të bëj këtë lloj pune me më shumë kohë për t’u përgatitur është vendi ku është zemra ime. Po kuptoj më shumë për politikën dhe historinë dhe për të dëgjuar e mësuar më shumë. Ky është fokusi im. Detyra ime është të luaj personazhe dhe të zhdukem në to dhe kjo është ajo ku unë dua të fokusohem, por një pjesë kyçe e kësaj është të kuptoj se çfarë po ndodh edhe në botë.
