Ndërsa Kim Kardashian ishte në Miami, Pete Davidson mori pjesë në ndeshjen e Brooklyn Nets kundër New York Knicks në Brooklyn, Nju Jork më 30 nëntor me motrën e tij Casey Davidson dhe nënën Amy Davidson.
https://www.instagram.com/p/CW7S7WSMSwO/
Treshja pa ndeshjen me rezultatin përfundimtar 112 me 110 dhe Amy shkrepi disa foto të ëmbla të vëllait dhe motrës të ulur në fushë. “I dua fëmijët e mi”, ka shkruar ajo në Instagram. Casey, një ish-basketbolliste e kolegjit, postoi gjithashtu një foto nga ndeshja.
Për daljen, Pete kishte veshur një xhaketë xhinse mbi një bluzë të bardhë dhe një palë pantallona shumëngjyrëshe. Ai mbante një kapele bejsbolli ngjyrë bezhë dhe atlete të bardha. Së fundmi, Pete është duke u shoqëruar me Kim Kardashian. Ndërsa ylli i “Saturday Night Live” dhe ai i “Keeping Up With Kardashians” nuk kanë komentuar statusin e marrëdhënies së tyre, një burim i afërt me Kim tha që të dy po takohen.
Në fakt, dyshja janë parë në disa dalje së bashku që kur ndezën për herë të parë thashethemet për romancë në fund të tetorit, kur u panë të kapur për dore në një slitë në Kaliforninë Jugore. Gjatë muajit të kaluar, themeluesja e “SKIMS” dhe aktori i humorit kanë dalë për darkë, kanë festuar ditëlindjen së bashku dhe janë parë të kapur për dore.
