Një qen i racës danez është kurorëzuar si më i larti në botë nga Libri i Rekordeve “Guinness”. Qeni 2-vjeçar, i quajtur Zeus, jeton ne Bedford Teksas dhe është 1,046 metra i lartë. Ai e mori zyrtarisht titullin më 22 mars, pasi lartësia e tij u konfirmua nga veterineri që kreu matjet. Pronarja, Brittany Davis, thotë se ajo gjithmonë ka ëndërruar të ketë një qen të kësaj race dhe ta quajë Zeus, prandaj u lumturua së tepërmi kur vëllai i bëri dhuratë një këlysh vetëm 8-javësh.
Edhe pse fillimisht pati dyshime për ta rritur qenin, për shkak të madhësisë, tani thotë se ka rënë në dashuri me të.
Që kur e kemi marrë në fillim ai ishte i madh, edhe si këlysh.
Në dietën e tij përfshihen 12 tasa me ushqim për kafshët, por edhe vezë të skuqura dhe mish. Por Zeusit, thotë Davis, i pëlqejnë më shumë se gjithçka kubet e akullit. Sipas “American Kennel Club”, shoqatës që mban regjistrat e qenve të racës, ky lloj qeni gjigant vjen nga qentë e gjahut të epikës së Mesjetës.
Edhe pse janë kolosë të vërtetë, ky tipar i bën më të brishtë dhe zakonisht jetojnë më pak se racat e tjera të qenve. Sipas “Guinness” edhe qeni më i lartë i regjistruar ndonjëherë, ishte një danez i quajtur Zeues, i cili ishte 1,118 metra i lartë.
