Julia Roberts ka mbërritur në Sydney përpara xhirimeve të filmit të saj të ri të komedisë romantike me George Clooney në Queensland. 53-vjeçarja u ul në Harbour me një avion privat të shtunën. Ajo doli me kujdes nga avioni me maskën e fytyrës, ndërsa mbante një qese plastike me një shishe ujë, një çantë shpine dhe një triko të lehtë.
Sa i përket karantinës së detyruar për COVID-19, Australia nuk bën përjashtime për askënd që hyn në vend. Dhe kur themi për askënd e kemi fjalën edhe për yje si Julia Roberts, e cila karantinën e saj në Sidnei po e kalon në një rezidencë që kushton 56.9 milionë dollarë, e që më herët ka qenë në pronësi nga Lachlan dhe Sarah Murdoch.
George Clooney, gjithashtu ndodhet në një tjetër vilë së bashku me gruan e tij, Amal dhe dy fëmijët e tyre për të zbatuar rregullin e karantinës. Ndërkaq, rezidenca ku po qëndron aktorja e “Pretty Woman” ka një sipërfaqe prej 4100 metrash katrorë dhe është listuar si një objekt i trashëgimisë kulturore.
Rikujtojmë, se “Ticket to Paradise” është komedia që Julia Roberts e Clooney po xhirojnë në kontinetin e largët, ndërsa xhirimet do të zgjasin dy muaj. Ylli i Hollywood-it kujtojmë se prej vitesh është e martuar me Daniel Moder. Dyshja e njohur u takuan së bashku në fillimet e vitit 2000 në xhirimet e filmit “The Mexican”, në kohën kur ai punonte si kineast. Çifti u martuan në Taos, Meksikë, më 4 korrik të vitit 2002 dhe së bashku kanë sjellë në jetë tre fëmijë.
Në vitin 2018, Roberts u pyet më shumë për të zbuluar disa nga detajet e jetës së saj private si dhe për dashurinë që ka për Moder. Aktorja e quajti atë një qenie njerëzore të mrekullueshme duke shtuar se argëtohen shumë së bashku. Julia është e njohur ndër të tjera për paraqitjet e saj në filmat si: “Notting Hill”, “The Pelican Brief”, “Mystic Pizza”, “Eat, Pray, Love”, etj.
