Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Horoskopi

Katër shenjat e Zodiakut që kanë dashuri për ushqimin!

Sigurisht që ushqimi është një dashuri më vete, dhe të gjithë njerëzit shumë apo pak e njohin këtë dashuri. Mirëpo, janë pikërisht katër shenja të Zodiakut, që e kanë më të theksuar këtë ndjenjë dhe që pëlqejnë të eksplorojnë shije të reja gjatë gjithë kohës.

Demi

Personat e lindur në këtë shenjë kanë një dashuri të madhe për ushqimin, teksa nuk pëlqejnë vetëm shijen, por edhe ta nuhasin dhe prekin atë që hanë. Megjithatë, edhe pse ata pëlqejnë të provojnë shije të reja, ata janë përzgjedhës dhe madje ndonjëherë tregohen tekanjozë me ushqimet.

Peshorja

Njësoj si demi, dhe peshorja është shumë e fiksuar me ushqimet e shijshme. Ajo nuk është tekanjoze, por thjesht dëshiron të hajë diçka pikërisht në çastin që ajo dëshiron. Problemi kryesor i peshores lidhet me kohën, ndaj nëse ushqimi nuk është gati kur ajo është e uritur, peshorja mund të nervozohet shumë. Mos u trembni, nervozismi i saj thjesht do ta çojë në të ngrënit diçka të shpejtë e të pashëndetshme.

Peshqit

Peshqit kanë dy dashuri të mëdha lidhur me ushqimet. Së pari, ata duan ushqimet e shpejta dhe të pashëndetshme. Së dyti, ata adhurojnë të provojnë shije të reja dhe për sa i përket ushqimit kurrë nuk kanë frikë të eksplorojnë. Ata e duan aq shumë ushqimin, saqë kusht për të ngrënë nuk është uria. Peshqit do të adhuronin të kishin ushqim para tyre gjatë gjithë ditës.

Luani

Luani është një tjetër shenjë që e adhuron ushqimin gjithashtu. Por ai është shumë përzgjedhës, teksa do që ushqimi të jetë i shëndetshëm dhe i gatuar në mënyrën më të përsosur të mundshme. Një luan nuk nguron të paguajë pafund për të marrë një ushqim të mirë, mjafton mos ta zhgënjeni.