Eleina Qirici dhe Edi Paloka janë kandidatët zyrtarë për kryetar Këshilli në Partinë Demokratike.
Në orën 18.00 është lajmëruar mbledhja e Këshillit Kombëtar të Partisë Demokratike nga Komisioni i Rithemelimit.
Kryesia e Grupit Parlamentar të PD-së u mblodh në selinë blu pak orë para mbledhjes së këshillit.
Lajmin e bëri të ditur zëdhënësja e grupit parlamentar Oriola Pampuri, e cila njoftoi se me shumicë votash është vendosur që kryesia e grupit të mblidhet rregullisht çdo javë, të premten në orën 09:15. Ajo theksoi se gjithashtu është vendosur që mbledhja e kryesisë jashtë radhës të mbahet ditën e hënë.
Mbledhja e këtij organi u njoftua një ditë më parë nga deputeti i PD-së, Edi Paloka, i cili tha se Këshilli Kombëtar do të mblidhet në orën 18.00 dhe gjatë kësaj mbledhjeje do të zgjidhet edhe kryetari i këtij organi të PD-së.
Paloka gjithashtu njoftoi se në mbledhje do të ketë edhe një qëndrim për zgjedhjen e presidentit të ri të vendit.
Edhe pse pas zgjedhjeve të 6 marsit tentativat e PD-së ishin për bashkim, duket se Kuvendi Kombëtar i 30 prillit e thelloi më shumë ‘krizën’ në Partinë Demokratike.
Grupi i Rithemelimit nuk e njeh Enkelejd Alibeaj si kryetar të grupit parlamentar, pasi në 30 prill votuan për ta shkarkuar. Ditën e djeshme u thirr një mbledhje nga Alibeaj, ku anëtarët e Rithemelimit bojkotuan mbledhjen bashkë me deputetë të tjerë.
Nga 52 deputetë që ka PD-ja, vetëm 22 morën pjesë në mbledhjen e thirrur nga Alibeaj.
Bylykbashi prezanton draft rezolutën: Do përcaktojmë përfaqësuesit që do negociojnë për zgjedhjen e presidentit
Anëtari i Këshillit Kombëtar të PD-së, Oerd Bylykbashi ka lexuar draft rezolutën që prite të miratohet.
“Draft rezolutën për miratim mbi procesin e zgjedhjes së presidentit të republikës. Më 24 korrik i mbaron mandati. Kuvendi dihet të nisë procedurat jo më vonë se 60 ditë para fundit të mandatit.
Këshilli Kombëtar i PD-së vëren se mazhoranca në mënyrë sistematike ka kapur pushtete e pavarura përfshirë atë të drejtësisë duke rrënuar sistemin kushtetueses të kontrolleve dhe balancave Rama kontrollon 90% të pushteteve publike dhe kapja e sistemit do siguronte kontroll abosolut.
Zgjedhja e presidentit ka rëndësi në kuadër të rikrijimit Akt sovranitet kushtetues që nuk duhet të përfshijë konflikt politik dhe institucional, por qeverisjen e përgjegjësi ndaj popullit. Një proces i njënashëm i shërben vetëm krizës së tejzgjatur. PS po përpiqet që të krijojë një proces fars duke përpjekje ti përcaktojë përfaqësuesit e opozitës. Me këto përpjekje dhe konsultime pa përfaqësuesit e pa mandatar PS po përpiqet në dukje konsensualtit të rremë. PD e denoncon këtë sjellje që dëmton legjitimitetin e procesit dhe besueshmërinë e presidentit të ardhshëm.
Vendos:
PD do shpreh vullnetin për zgjedhjen e president të Republikës me votën e deputetëve të grupit parlamentar.
Mandatohet komisioni i përkohshëm i Rithemelimit të PD të caktojë përfaqësuesit për gjetjen e një qëndrimi të përbashkët me partitë e tjera.
Çdo qëndrim që bie ndesh me këtë rezolutë detyruese nuk përfaqësojnë PD në procesin e zgjedhjes së presidenti”, tha Bylykbashi.
