Celebrities Gossip Showbiz

Këtë javë Beatrix publikon projektin e saj më të ri?!

Beatrix Ramosaj është një nga emrat më të përfolur të momentit të showbiz-it shqiptar. Këngëtarja e njohur shqiptare ka pasur një karrierë të gjatë, por vëmendjen më të madhe e mori me pjesëmarrjen në “Big Brother VIP”.

Bukuroshja tanimë po vazhdon të jetë në qendër të vëmendjes me çdo veprim që bën në rrjetet sociale, duke qenë jo pak e kritikuar, megjithatë nuk i ka ndaluar asnjëherë komunikimet dhe me ndjekësit e saj dhe postimet në Instagram duke vazhduar normalisht jetën e saj dhe profesionin, muzikën.

Teksa pas daljes nga ‘BBV’ lansoi ‘Faj’ dhe “Ma shumë se ti” në bashkëpunim me Dj Geek, Trixa ditëve të fundit kishte paralajmëruar se do të publikonte një tjetër këngë. Me anë të dy postimeve në rrjetin social Twitter, bukuroshja ka pyetur ndjekësit e saj nëse duan që projekti i saj të publikohet këtë javë.

Lidhja e saj me Donald Veshaj brenda shtëpisë së “BBV”, ndarja e tyre dhe trekëndëshi i formuar Bora-Donald-Trixa kanë qenë në qendër të vëmendjes për muaj me radhë.

Deri më tani këngëtarja e njohur nuk kishte reaguar në lidhje me këtë çështje, ndonëse nuk ka bërë asnjë paraqitje televizive. Megjithatë, ajo para disa ditësh ka qenë e pranishme në “Netët e klipit shqiptar”, ku ka folur për herë të parë në një intervistë rreth jetës së saj.