Një dëshirë e shtuar seksuale tek disa njerëz, e njohur edhe si hiperseksualitet vazhdon të luhatet. Disa ditë të muajit jeni shumë të eksituar, disa të tjera jo. Sipas ekspertëve të seksit, tek gratë, hormonet që lidhen me ciklin menstrual luhaten me kalimin e kohës dhe shtojnë ose ulin dëshirën seksuale. Pra, një dëshirë më e lartë seksi nuk është absolutisht asgjë për t’u shqetësuar.
Edhe pse njerëzit mendojnë se është një problem, Manuali Diagnostik dhe Statistikor i Shoqatës Amerikane të Psikiatrisë nuk e konsideron epshin tepër të lartë ose hiperseksualitetin si një çrregullim ose diagnozë zyrtare. Kur një person ndihet më i eksituar? Ekspertët besojnë se nuk ka asnjë metrikë për matjen e kësaj, megjithatë, dëshira seksuale mund të ndryshojë gjatë gjithë muajit për një sërë arsyesh që përfshijnë:
Ovulacionin tek femrat
Shumë studime kanë vërejtur se gratë bëjnë më shumë seks dhe tregojnë interes më të madh për seksin pak para ovulacionit të tyre. Një kulm në mes të ciklit të niveleve të estrogjenit ndodh rreth 24 orë pas ovulacionit. Shkencëtarët besojnë gjithashtu se estradioli, një nga tre llojet e hormoneve të estrogjenit, rrit zgjimin seksual te femrat. Kështu, është arritur në përfundimin se gratë pas menopauzës që raportojnë mungesë të dëshirës seksuale kanë estradiol më të ulët që qarkullon në gjakun e tyre.
Shtatzënia
Gjatë shtatzënisë, gratë përjetojnë shumë ndryshime – fizike dhe emocionale. Kjo ndodh për shkak të luhatjeve në hormonet e tyre dhe kështu njerëz të ndryshëm mund të përjetojnë nivele të ndryshme të dëshirës seksuale. Disa ndryshime hormonale, thonë mjekët, mund të bëjnë që disa të dëshirojnë më shumë vëmendje dhe dashuri nga partnerët e tyre në fazat e para të shtatzënisë. Në tremujorin e dytë, megjithatë, e njëjta dëshirë mund të rritet pasi personi mësohet me shtatzëninë dhe ndihet më rehat dhe më i qetë. Megjithatë, zakonisht, ndërsa shtatzënia zhvillohet dhe arrin në tremujorin e tretë, dëshira seksuale bie me shpejtësi.
Nivele më të ulëta të stresit
Mjekët besojnë se nëse jeni duke kaluar një kohë me stres të ulët, ankth dhe probleme të tjera mendore dhe nivelet e kortizolit nuk ju shqetësojnë shumë, epshi juaj ka të ngjarë të rritet.
Më shumë aktivitet fizik dhe stërvitje
Nëse keni qenë duke u ushtruar më shumë dhe rregullisht, ka të ngjarë të përjetoni më shumë dëshirë për të bërë seks shpesh me partnerin tuaj. Arsyet kryesore për këtë janë:
- Rritja e besimit
- Stresi i reduktuar
- Gjumi i përmirësuar dhe i rregulluar
