Ndonëse familja mbretërore është shumë skeptike kur vjen puna tek momentet brenda pallatit Kensingtone, Princ William ka treguar së fundmi për “Apple Fitness” se momenti më i bukur i ditës është mëngjesi. Ai ka pohuar se në rutinën e përditshme gjithmonë nisja e ditës është si një festë me muzikë në shtëpi dhe Charlotte me George zihen gjithmonë se kë këngë do të dëgjojnë dhe kërcejnë. William ka thënë se:
Një nga këngët që fëmijët po pëlqejnë tani është ‘waka waka’ nga Shakira.
Ai e ka përfunduar këtë moment duke thënë se kjo është periudha më e bukur për familjen, kur në të ka një “rrëmujë” të madhe se cilën këngën do vendosin dhe të gjithë luajnë me njëri-tjetrin. Ndërkaq, thuhet se Princi William dhe Kate Middleton kanë një shtëpi të tretë sekrete që është aq private sa që ekzistojnë shumë pak foto të saj.
Ata e kanë bazën e tyre në Pallatin Kensington, në perëndim të Londrës, ku kanë kaluar shumicën e kohës së tyre që nga lindja e Princit Louis në vitin 2018. Ata gjithashtu kanë Anmer Hall, rezidencën e çiftit mbretëror në Norfolk, ku u rritën Princi George dhe Princesha Charlotte.
Rikujtojmë se Duka i Kembrixhit është bashkuar së fundmi me gjigantin e teknologjisë Apple për t’u shfaqur në një përvojë të re me audio, duke ndarë kujtimet dhe këngët e tij të preferuara. Dëgjuesit janë në gjendje të zhyten në shëtitjet e paraqitura në serial, duke dëgjuar hapat e narratorit dhe tingujt përreth tyre ndërsa e çojnë audiencën në një udhëtim nëpër vende të rëndësishme për ta.
Në fillim të kësaj jave, u shfaq pjesa e dytë e një dokumentari të diskutueshëm të BBC për marrëdhëniet e William dhe Harry me median. I quajtur “The Princes and The Press” dhe i prezantuar nga Amol Rajan, ai u zhyt në përçarjen në rritje të vëllezërve dhe kohën që çoi në largimin e Harry dhe gruas së saj Meghan Markle si anëtarë të familjes mbretërore.