Në 13 muaj, Mark Zuckerberg ka humbur 100 miliardë dollarë dhe aksionet e kompanisë së tij Meta kanë rënë me 25%. Mes këtyre rezultateve të dobëta dhe frikës së një recesioni ekonomik, kompania ‘Meta’ ka marrë vendimin për të pushuar nga puna mijëra punëtorë brenda kësaj jave, duke ndjekur rrugën e Elon Musk kur pushoi mijëra njerëz nga Twitter të premten e kaluar. Sa më sipër është bërë e ditur për Wall Street Journal nga njerëz të afërt me kompaninë, të cilët theksojnë se ekipi i Zuckerberg do të fillojë të njoftojë ata që do të pushohen nga puna. Në fakt, shkurtimet pritet të ndodhin këtë të mërkurë, më 9 nëntor, një ditë pas zgjedhjeve afatmesme në SHBA.
More tech layoffs: #Facebook parent #Meta is preparing to notify employees of large-scale layoffs this week: Social-media comps planned cuts expected to affect many thousands of its workforce. Workforce has risen from 3,200 employees in 2011 to 87,314 tdy. https://t.co/WOsuLFp4k9 pic.twitter.com/EltTo9Pp1P
— Holger Zschaepitz (@Schuldensuehner) November 6, 2022
Meta thuhet se mund të pushojë nga puna disa mijëra njerëz nga fuqia e saj punëtore, e cila numëron 87,000 punonjës në mbarë botën. Mund të jetë numri më i madh i pushimeve nga puna nga një kompani teknologjike në histori. Që nga janari, aksionet e Metës kanë rënë më shumë se 70%, kryesisht produkt i Zuckerberg për të investuar miliarda dollarë në një platformë metaverse që nuk është pritur mirë. Përveç kësaj, të ardhurat e saj nga reklamat kanë rënë dhe nuk tregon më rritje të numrit të përdoruesve.
Një zëdhënës i Meta raportoi se kompania do të “përqendrojë investimet në një numër të vogël fushash me prioritet të lartë të rritjes”. Vetë Zuckerberg u shpreh se:
Kjo do të thotë se disa ekipe do të rriten ndjeshëm, por shumica e ekipeve të tjera do të mbeten të sheshta ose do të tkurren gjatë vitit të ardhshëm.
Mark Zuckerberg’s Metaverse bombs. Massive layoffs at Meta to start this week. pic.twitter.com/vWOMs36txs
— Mike Sington (@MikeSington) November 6, 2022
Basti i Zuckerberg për të ashtuquajturin Metaverse ka shkaktuar bezdi tek aksionerët e Meta-s, të cilët pretendojnë se miliarda dollarë po shpenzohen për diçka që nuk ka garanci për t’u pritur mirë. Në tetor, Meta deklaroi se humbjet në divizionin e saj Reality Labs (përgjegjës për ndërtimin e të ashtuquajturit metaverse) “do të rriten ndjeshëm në 2023”, ndërsa shpenzimet kapitale do të rriten në 39 miliardë dollarë. Altimeter Capital Management, një aksioner kryesor, tha se shpenzimet në metaverse “janë të frikshme, madje edhe sipas standardeve të Silicon Valley” dhe shkroi një letër duke kërkuar pushime nga puna dhe shkurtime të shpenzimeve.
