Rrjeti po flet për një marrëdhënie të tensionuar mes Victoria Beckham dhe gruas së djalit të saj Brooklyn, Nicola Peltz, pasi fansat vunë re se ato e kishin “injoruar” njëra-tjetrën prej muajsh në mediat sociale. Përpara dasmës luksoze të Brooklyn dhe Nicola-s në prill, stilistja dhe aktorja vetëm e lavdëronin njëra-tjetrën online. Verën e kaluar dyshja reagonte në çdo postim të njëra-tjetrës në rrjetet sociale me shumë dashuri.
Por që nga dasma luksoze, të dyja kanë bërë shumë pak pëlqime e reagime online, një ndryshim i dukshëm me të kaluarën. Një person i brendshëm i familjes nuk i mohoi thashethemet për një përçarje për ‘Mail’, duke thënë:
Njerëzit vazhdimisht spekulojnë për marrëdhëniet dhe ne vërtet nuk na intereson pasi është thjesht marrëzi.
Një burim tjetër tha për ‘Mail’ se qëndrimi i familjes Peltz ndaj Beckham mund të jetë shkaku i prishjes së marrëdhënies. Muajin e kaluar Nicola u duk se vuri në shënjestër vjehrrin e saj të famshëm duke thënë se bashkëshorti i saj ndihej i “presionuar” në një karrierë që nuk i pëlqente.
Ajo shtoi se Brooklyn po i drejtohej babait të saj, biznesmenit miliarder Nelson Peltz, për këshilla. Rikujtojmë se çifti e kalon pjesën më të madhe të kohës në Los Angelos dhe Nicola ka përjashtuar mundësinë e një rikthimi në Mbretërinë e Bashkuar, sepse dëshiron të jetë pranë prindërve të saj.
Rikujtojmë se shefi i kuzhinës, Brooklyn, i kërkoi Nicola-s që të bëhej gruaja e tij vetëm disa muaj pasi ata filluan të takoheshin dhe u ul në gjunjë me një unazë që mendohet të ketë kushtuar rreth 200,000 dollarë. Një ekspert ka zbuluar se sa vlen tani secila prej unazave.