Kryeministri Rama reagoi sot duke e cilësuar “çmenduri” ngjarjen e djeshme në Vaqarr ku përfaqësues të Partisë Demokratike akuzohen se dhunuan shoferin e një furgoni me ushqime, me pretendimin se po i shpërndante për fushatë zgjedhore.
Ndalimi i dhunshëm i disa iftareve mbrëmë nga paramilitarët e “mbrojtjes së votës” është një çmenduri e padëgjuar! Thirrja ime është qetësi, qetësi, qetësi, durim, durim, durim, besim, besim, besim! E diela do të shënojë fundin e mallkimit të së shkuarës mbi rrugën e shqiptarëve🙏
Ndalimi i dhunshëm i disa iftareve mbrëmë nga paramilitarët e "mbrojtjes së votës" është një çmenduri e padëgjuar!Thirrja ime është qetësi, qetësi, qetësi, durim, durim, durim, besim, besim, besim! E diela do të shënojë fundin e mallkimit të së shkuarës mbi rrugën e shqiptarëve🙏
— Edi Rama (@ediramaal) April 22, 2021
Policia procedoi penalisht Florenc Hoxhën, i akuzuar se ka ushtruar dhunë ndaj një 36-vjeçari.
Ish-Drejtori i Policisë Bashkiake të Tiranës, akuzohet për veprën penale “Plagosja e lehtë me dashje”.
Një ditë më parë, shtetasi Bledar Goga kërkoi ndihmën e uniformave blu duke denoncuar disa persona që sipas tij i kishin bllokuar rrugën në lagjen Ibra të Vaqarrit. Goga tha se u kërcënua të zbriste nga makina, me pretendimin se në automjet kishte produkte ushqimore që përdoreshin në këmbim të votës.
Nga veprimet e kryera rezultoi se ushqimet ishin përgatitur për t’ua shpërndarë për iftar besimtarëve myslimanë që agjërojnë në Muajin e Ramazanit.
