Albin Kurti deklaron se Kosova nuk do të hyjë në një luftë të tretë ballkanike për bashkimin me Shqipërinë. Lideri i Vetvendosjes theksoi në një intervistë për revistën politike të Oxfordit se Kosova duhet ta ketë të drejtën e referendumit. “Serbët, boshnjakët e të tjerë janë qytetarë të Kosovës, por kur Serbia dëshiron të ndërhyjë në punët e brendshme të Kosovës, atëherë Kosova është shtet i dobët për t’u konfrontuar me hegjemoninë e Serbisë. Ne duam të drejtën e referendumit”, tha Kurti.
Kandidati për kryeministër tha se nuk është i gatshëm që të hyjë në dialog për të kompensuar Serbinë, sipas tij për humbjet në Kosovë, pasi pavarësia e vendit ishte një e drejtë e kombit shqiptar. “Lotët në fytyrën e Vuçiçit nuk janë lot të serbëve të zakonshëm por lot të Serbisë si shtet që e ka humbur Kosovën. Negociatat në dialog janë diçka që njerëzit duhet të jenë përfitues, dhe jo politikanët. Ne duhet të ndihmojmë njerëzit”, tha Kurti.
Deklaratat e ish kryeministrit të Kosovës vijnë pas përplasjeve në distancë mes Haradinajt dhe Vuçiç, në lidhje me krijimin e Shqipërisë së Madhe.