Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet

Lëkundje sizmike në Elbasan, nuk ka dëme!

Vazhdon aktiviteti sizmik në vendin tonë. Një tërmet me magnitudë 3 i shkallës Rihter u regjistrua sot rreth orës 09:00 të mëngjesit, sipas IGJEUM-it me epiqendër 11 km në veri-perëndim të Elbasanit e në thellësinë 19 km.

Nuk ka raportime për dëme pavarësisht panikut si reagim i njerëzve sa herë bien tërmetet ndërsa ky i sotmi u ndje edhe qytete të tjera, përfshirë Tiranën. Sa i përket tërmeteve në vendin tonë, pak ditë më parë, verilindja e vendit u trondit nga lëkundje të forta që fatmirësisht nuk shkaktuan të lënduar por dëme të shumta në Qarkun Dibër. Dhjetëra banesa u dëmtuan sipas raportimeve nga pushteti vendor.

Por nuk ka diskutim që tërmeti më i fuqishëm i dy viteve të fundit mbetet ai i 26 nëntorit 2019 që iu kushtoi jetën 51 personave, pjesa më e madhe në Thumanë, ndërsa Durrësi rezultoi qarku më i goditur. Dhjetëra familje mbetën të pastreha edhe në Tiranë e Laç.