Tirana bën “harakiri” përballë Bylisit, në dy raste ishte skuadra kryeqytetase ajo që kaloi në avantazh por në të dyja rastet kanë arritur të barazojnë ballshiotët. Ishte rasti i barazimit të dytë me një penallti të diskutueshme që ka acaruar më tepër lojtarët tifozët e Tiranës dhe të gjithë të pranishmit në stadium.
Kjo bëri që në përfundim të ndeshjes lojtarët dhe një pjesë e tifozëve që zbritën në fushë goditën arbitrat, pavarësisht forcave të policisë të shumta që u futën për t’i mbrojtur.
Kujtojmë se Superliga shqiptare zhvilloi sot javën e 35-të dhe të parafundit. Në duelin mes Tiranës dhe Bylis, skuadrat u ndanë 2-2 në “Arena Egnatia” në Rrogozhinë. Fundi i ndeshjes ka qenë i tensionuar, teksa dhjetra tifozë kanë hyrë në fushë dhe kanë dhunuar arbitrat.
Gjithçka lidhet me një penallti të dhënë nga Kridens Meta kundër Tiranës, me bardheblutë që protestuan ashpër. I gjithë stafi teknik dhe presidenca zbriti në fushë, me polemikat që shoqëruan pasndeshjen. Forcat e sigurisë dhe policia nuk mundi të ndalte tifozët, me arbitrat që u vendosën në shënjester. Protesta edhe nga trajneri Orges Shehi, që u pa në një tjetër version në këtë fund ndeshje. Vetë presidenti Refik Halili zbriti në fushë, dukshëm për të qetësuar të tijtë. Me këtë barazim një javë nga fundi i Superligës, Partizanit dhe Tirana janë me pikë të barabarta (64), me të kuqtë që për shkak të ndeshjeve direkte mbajnë kreun.