Lojtarët e Juventusit që luajtën për ekipet e tyre kombëtare në Kampionatin Evropian shënuan më shumë gola se sa lojtarët e klubeve të tjera. Lojtarët aktualë të “Zonjës së Vjetër” shënuan gjithsej 12 gola gjatë Euro 2020. Cristiano Ronaldo shënoi pesë, Alvaro Morata tre, Federico Chiesa dy, Aaron Ramsey dhe Leonardo Bonucci me nga një gol secili.
Në vendin e dytë janë lojtarët e Interit me tetë gola, Romelu Lukaku goditi rrjetën e kundërshtarit katër herë, Ivan Perisic dy herë, ndërsa Milan Skriniar dhe Nicolo Barella shënuan nga një gol secili.
Juventus Players in Euro 2020 :
— Scored More Goals Than Any Other Club (12). ⚽
— Most MOTM Awards Won (4). 🔝
— Most Euro 2020 Winners Than Any Other Club (4). 🏆THIS IS JUVENTUS. 😎 pic.twitter.com/DVoGG4ASyo
— AZR (@AzrOrganization) July 14, 2021
Interi ndan vendin e dytë me lojtarët e Manchester City që kanë të njëjtin numër golash, tetë. Raheem Sterling shënoi tre, Ferran Torres dy dhe Oleksandr Zincenko, Kevin De Bruyne dhe Aymeric Laporte nga një gol secili.
Pastaj vijnë lojtarët e Atalantas me 7 gola. Joakim Mehle dhe Matteo Pessina shënuan nga dy, ndërsa Aleksei Miranchuk, Robin Gosens dhe Mario Pasalic me nga një.
Vendin e pestë e zënë futbollistët e RB Leipzig, Emil Forsberg katër gola dhe Yussuf Poulsen dy. Në fund, Italia fitoi titullin e kampionit të Evropës me një fitore në finale ndaj Anglisë me penallti.
Rikujtojmë, se Italia dhe Argjentina, do të shkruajnë historinë si dy kombëtaret e para që do të garojnë për trofeun që do të quhet “Kupa Maradona”. Diskutimet janë zhvilluar mes UEFA-s dhe CONMEBOL, ndërsa së fundmi edhe FIFA e ka dhënë miratimin për ndeshjen midis kampionëve të Evropës dhe Amerikës së Jugut.
