Këngëtarja e njohur Zaimina Vasjari është bërë nënë për herë të dytë në 21 mars të këtij viti. Lajmin e bukur e ka bërë me dije bashkëshorti i këngëtares, Klodian Asllani me anë të një postimi në Instastory në rrjetin e tij social Instagram. Përkrah një fotografie ku shihen tullumbace blu dhe një arushë, shkruhej “Mirë se erdhe Kamar”, duke zbuluar në këtë mënyrë edhe emrin me të cilin ata kanë pagëzuar të birin.
Teksa bukuroshja është gjithashtu nënë e një vajze më të madhe të quajtur Khloe dhe padyshim fëmijët janë lumturia më e madhe e saj ashtu si të cdo prindi. Me anë të postimit më të fundit të këngëtares ku ndodhet në natyrë me fëmijët e saj ka ndarë me ne pamjet më të bukura që na ‘i bënë sytë zemra’.
Lumturia ime
Këngëtarja është akuzuar se ka kaluar kufirin e Morinës së bashku me fëmijët e saj pa prokurën e të atit të fëmijëve. Zaimina e ka mohuar një gjë të tillë dhe është shprehur se as nuk ka qenë në dijeni të lajmeve që kanë qarkulluar, pasi ka qenë duke u kushtuar gjithë kohën kujdesit ndaj fëmijëve të saj.