Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Celebrities Gossip Showbiz

Madonna bën që fansat të shqetësohen lidhur me shëndetin e saj me postimin e fundit!

Madonna ia ka dalë gjithmonë që të bëjë ‘zhurmë’ me postimet e saj që ndan me publikun. E duket se kështu ka qenë dhe rasti i fundit. Këngëtarja ka ndarë disa foto të cilat bënë që ndjekësit të shqetësoheshin për shëndetin e saj.

Madonna tregoi një mavijosje të madhe në kofshën e saj, teksa përditësoi fansat e saj me disa fotografi në llogarinë e saj në Instagram. Madonna nuk tregoi se si e pësoi dëmtimin e këmbës edhe pse në mënyrë sfiduese deklaroi në mbishkrimin e saj se jeta e kishte rrahur.

Jeta më ka rrahur! Mendoni se mua më intereson? Vetëm Djallit i intereson!

Fotografitë zbulojnë një mavijosje gjigante që përfshin të gjithë anën e sipërme të kofshës së Madonna-s. Këngëtarja e “Material Girl” theksoi dëmtimin edhe më shumë duke ulur getat e saj deri tek kofshët, në mënyrë që fansat të mund të shikonin më mirë. Shumë nga 17 milionë ndjekësit e Madonna-s shprehën shqetësimin e tyre për Mbretëreshën e Popit, duke shkuar në seksionin e komenteve të postimit të saj për ta pyetur nëse ishte mirë. Të tjerë spekuluan se Madonna mund të kishte marrë mavijosjen nga një stërvitje intensive.

Madonna nuk zbuloi se çfarë e shkaktoi mavijosjen gjigante. Përfaqësuesit e saj nuk iu përgjigjën ende pyetjeve të bëra nga mediat e huaja. Këngëtarja e “Vogue” postoi foto të tjera të guximshme, duke përfshirë një ku ishte ulur mbi një tualet. Në një foto tjetër, ajo ka ngritur këmbët për të nxjerrë në pah të brendshmet e zeza nën fustanin e saj dhe gjithashtu ka shpërndarë një imazh të reçipeta me dantella ku gjoksi i saj ishte i mbuluar me bizhuteri.

Ikona e muzikës pop, Madonna pas sherrit me 50 Cent, kësaj radhe ka nisur një “betejë” tjetër me Tory Lanez, të cilin po e akuzon se po përdor një nga këngët e saj të famshme pa lejen e saj duke thënë se kjo është e paligjshme. Kënga në fjalë është e fundit e Toryt dhe titullohet “Pluto’s Last Comet”, ndërsa Madonna edhe publikisht ka treguar se nuk është fanse e tij. Kjo vjen pasi instrumentali i fillimit të këngës “Pluto’s Last Comet” është një ripërtërije e këngës së dikurshme të Madonnas “Into the Groove”.