Martin Bashir prej kohësh është përballur me akuza të forta, pasi mendohet se ka manipuluar Princeshë Dianën për të dhënë një intervistë plot ‘bomba’ me BBC, në 1995.
Gazetari Martin Bashir ka lënë postin e tij në BBC, përpara publikimit të raportit të hetimit rreth intervistës së tij të diskutueshme me Princeshën Diana.
Zv/drejtori i lajmeve në BBC, Jonathan Munro, njoftoi lajmin tek stafi me një email.
Martin Bashir është larguar nga pozicioni i tij si redaktor i BBC dhe po largohet nga korporata. Ai na njoftoi për vendimin e tij muajin e kaluar, pak para se të ripranohej në spital për një procedurë tjetër kirurgjikale në zemrën e tij. Megjithëse ai iu nënshtrua një operacioni të madh deri në fund të vitit të kaluar, ai po përballet me disa çështje dhe ka vendosur të përqëndrohet në shëndetin e tij.
Intervista e Bashir për Panorama, me Dianën, gjatë së cilës e ndjera pretendoi se kishte “tre prej nesh” në martesën e saj me Princin Charles, solli me shpejtësi një urdhër nga Mbretëresha Elizabeth që Diana dhe Charles duhet të divorcoheshin, ata ishin ndarë në 1992.
Diana vdiq në moshën 36 vjeç pas një aksidenti automobilistik në Paris,në gusht të vitit 1997, një vit pasi ajo dhe Charles u divorcuan zyrtarisht.
Në muajin tetor të 2020-ës, ‘The Sunday Times’ pretendoi se Bashir, manipuloi në mënyrë të padrejtë Dianën për të dhënë intervistën duke dhënë dy deklarata të rreme për vëllain e Dianës, Charles Spencer.
Në nëntor të vitit 2020, në një intervistë ekskluzive, Earl Spencer deklaroi se dokumentet e Bashir luajtën një rol jashtëzakonisht të rëndësishëm në vendimin e tij për të biseduar me Dianën në lidhje me intervistën, pasi ata pretenduan se një anëtar i stafit të tij po paguhej për të zbuluar informacione rreth familjes së princeshës.
Kjo ishte ajo që më shtyu të flas me Dianën për gjëra të tilla. Kjo, solli dhe takimin ku prezantova Diana me Bashir, më 19 shtator 1995. Që më pas çoi në intervistë.
Pas raportit të ‘Sunday Times’ dhe presionit nga familja e Dianës, drejtori i përgjithshëm i BBC, Tim Davie, urdhëroi një hetim të pavarur për taktikat e Bashir. Ky raport ka përfunduar dhe ka kaluar në BBC për botim.
Kjo nuk është hera e parë që rrjeti britanik i lajmeve ka shqyrtuar intervistën famëkeqe midis Bashir dhe Diana. Një hetim i brendshëm i BBC, në vitin 1996, arriti në përfundimin se dokumetat e rreme nuk kishin “asnjë ndikim” në intervistë. Earl Spencer, megjithatë, hodhi poshtë këtë pretendim ndërsa akuzoi BBC për “çndershmëri të pastër.”
Në nëntor, 2020, Spencer u shpreh:
BBC, nuk duhet të kërkojë ende falje për atë që ka vërtet rëndësi; falsifikimi jashtëzakonisht i rëndë i deklaratave që shkruanin se persona shumë të afërt të Dianës po spiunonin për të tek armiqtë e saj.
BBC deri më tani ka refuzuar të pranojë akuzat më lart. Ata pretendojnë se Diana nuk u mashtrua. E kanë injoruar hetimin tim, falja mbi deklaratat e tyre të rreme shtrihet në ato që me të vërtetë e bindën Dianën të takohej me Bashir.
Bashir ishte gjithashtu objekt i një hetimi penal në fillim të këtij viti, megjithëse Policia Metropolitane vendosi që mos të merrej asnjë masë kundër gazetarit.
Në muajt e fundit, Shërbimi i Policisë Metropolitane mori një letër që pretendonte për veprimtari të paligjshme në lidhje me një transmetim në vitin 1995. Kjo u vlerësua me kujdes nga detektivë të specializuar.
Pas këtij vlerësimi të hollësishëm dhe duke pasur parasysh këshillat që morëm, ne kemi përcaktuar se nuk është e përshtatshme të fillohet një hetim penal për këto aludime.” -tha Komandanti Alex Murray.
