Mbretëresha Elizabeth ka anuluar udhëtimin në Irlandën Veriore pasi pranoi këshillën mjekësore dhe vendosi të pushojë. Ndërkohë, një zëdhënës i Pallatit Buckingham u shpreh si më poshtë.
Mbretëresha ka pranuar me ngurim këshillën mjekësore që të pushojë gjatë ditëve në vazhdim. Madhëria e saj është në humor të mirë dhe është e zhgënjyer që nuk ka mundësi të vizitojë Irlandën Veriore, ku do të duhej të ndërmerrte një sërë angazhimesh sot edhe nesër. Mbretëresha dërgon urime të ngrohta për njerëzit në Irlandën e Veriut, dhe po pret me padurim që ta vizitojë atë në të ardhme.
Elizabeth do të arrinte në Belfast sot për një sërë angazhimesh, udhëtimi i saj i parë në Irlandën e Veriut në pesë vjet, pasi kujtojmë se e vizitoi për herë të fundit në vitin 2016 me burrin e saj të ndjerë Princ Philip. Thuhet se Mbretëresha do të bashkohej me një shërbesë kishtare në Kishën e Shën Patrikut. Shërbimi i reflektimit dhe Shpresës po organizohet nga Grupi i Drejtuesve të Kishës.
Kujtojmë se shëndeti dhe mosha e Mbretëreshës Elizabeth po diskutohen së tepërmi kohët e fundit. Nga njëra anë ajo që mban një shkop mbështetës për të ecur, dhe nga ana tjetër refuzon të plaket, duket se Mbretëresha Elizabeth vërtet ka kohë për pak pushim.