Mbretëresha Elizabeth ka thënë se askush prej nesh nuk mund ta ngadalësojë kalimin e kohës në një mesazh prekës drejtuar Sinodit të Përgjithshëm të dhënë nga Princi Edward në mungesë të saj për shkak të gjendjes shëndetësore. 95-vjeçarja kujtoi bashkëshortin e saj të ndjerë Princin Philip, duke treguar se si ka kaluar gjysmë shekulli që kur ata së bashku morën pjesë në mbledhjen e parë të Sinodit të Përgjithshëm.
Në fjalimin para asamblesë kombëtare të Kishës së Anglisë, Mbretëresha vlerësoi shoqërinë tonë moderne shumë të larmishme, ku mirëqenia e kombit varet nga kontributi i njerëzve të të gjitha besimeve.
Mbretëresha gjithashtu shfrytësoi rastin për të përshkruar pandeminë e koronavirusit si një periudhë ankthi, pikëllimi dhe lodhjeje. Pasi humbi shërbimin e së Dielës së Përkujtimit në fundjavë, Elizabeth duhej të paraqitej personalisht në Sinod, por kjo u anulua javën e kaluar. Para fjalimit, Edward tha se Mbretëresha dërgon falje të sinqertë dhe të thellë që ajo nuk mund të jetë e pranishme.
Unë mendoj se ju ndoshta e kuptoni pse ajo nuk është, dhe i vjen keq për këtë.
Kujtojmë, se gjendja shëndetësore e Mbretëreshës Elizabeth ka qenë e rënduar kohët e fundit, teksa ajo ka marrë një pushim nga detyrimet mbretërore. Gjithashtu, ajo nuk ka qenë pjesë e një sërë organizimesh të rëndësishme dhe dyshimet për një gjendje të rënduar të saj janë shtuar dita-ditës.
