Vakti më i rëndësishëm i ditës është mëngjesi. Proteinat e shëndetshme, karbohidratet që digjen ngadalë, frutat dhe perimet janë ato që nevojiten. Teksa ju flini, trupi juaj punon të tresë darkën e mbrëmshme, prandaj sapo të zgjoheni, trupi ka nevojë për ushqim. Nëse ju nuk hani mëngjes, trupi juaj do të ndiejë nevojën që të përdori rezervat ushqimore për të funksionuar gjatë ditës.
Këto janë këshillat që do ju ndihmojnë të hani mëngjesin e duhur për t’ju dhënë energji për gjithë ditën:
Zgjidhni drithërat
Drithërat me shumë fibra mund t’ju ndihmojnë që të mbani nivelin e sheqerit në gjak, dhe të shmangni rëniet e energjisë gjatë ditës. Më të shëndetshmet janë tërshëra dhe gruri.
Përfshini proteinat
Jogurti është një zgjedhje e mirë. Gjithashtu edhe kosi grek përmban proteina më shumë se jogurti normal. Vezët mund të konsumohen vetëm një në ditë. Gjithashtu mund të përfshini salmonin dhe arrat në dietën tuaj.
Hani në shtëpi, jo jashtë
Shumica e ushqimeve të gatuara nga restorantet nuk është mëngjesi që juve ju duhet, sepse vajrat dhe karbohidratet do të jenë të tepërta. Asgjë nuk është më e shëndetshme se një mëngjes i përgatitur vetë në shtëpi.
Pini edhe një “smoothie”
Kombinoni fruta, lëng, jogurt, tërshërë, ose produkte të tjera. Me pak akull shtesë dhe do të merrni një pije freskuese plotë energji që në mëngjes.