Ndërsa përgatitja për të mirëpritur ardhjen e një fëmije në jetë është padyshim emocionuese, ajo vjen me një kosto të lartë. Shumica e prindërve të ardhshëm nuk mund t’i rezistojnë dëshirës për të shpenzuar para për rroba dhe karroca të shtrenjta sapo marrin lajmin e lumtur. Për fat, ju keni 9 muaj kohë për t’u përgatitur financiarisht për ardhjen e fëmijës tuaj në jetë dhe ne kemi ju tregojmë disa këshilla që mund t’ju ndihmojnë për këtë:
1. Përdorni një jastëk të zakonshëm
Ndërsa barku juaj bëhet më i madh, mund të përjetoni disa simptoma të pakëndshme, të tilla si dhimbje kofshësh apo shpine. Përdorimi i jastëkëve shtesë do të sigurojë mbështetje shumë të nevojshme dhe mund të lehtësojë këto ndjesi të dhimbshme. Nuk ka dyshim se përdorimi i një jastëku shtatzënie do të jetë zgjidhja perfekte, por ashtu si shumica e produkteve të lehonisë, këta jastëkë janë mjaft të kushtueshëm. Vendosja e një jastëku të rregullt midis këmbëve mund të jetë po aq efektive dhe t’ju ndihmojë të lehtësoni ënjtjen dhe dhimbjen e këmbës.
2. Zgjidhni vajrat e gatimit në vend të kremrave të strijave
Kur jeni shtatzënë, trupi juaj kalon nëpër një transformim të jashtëzakonshëm dhe ndërsa lëkura në bark vazhdon të shtrihet, ju mund të zhvilloni strija. Këto vija të purpurta ose të bardha nuk janë të lehta për t’u hequr qafe dhe të qenit proaktiv mund të ndihmojë në parandalimin e tyre. Ka shumë produkte për kujdesin e lëkurës në treg që pretendojnë se fshijnë plotësisht strijat, por shumica e tyre janë mjaft të shtrenjta. Provoni të përdorni disa vajra si vaji i ullirit, i cili është i pasur me antioksidantë dhe nxit qarkullimin e gjakut, duke ndihmuar në minimizimin e strijave.
3. Kthejini rrobat tuaja të zakonshme në veshje për shtatzëni
Rrobat e shtatzënisë janë të adhurueshme, por blerja e bluzave dhe fustaneve që do të vishni për një periudhë relativisht të shkurtër mund të mos jetë e lehtë për portofolin tuaj. Në vend që të shpenzoni një pasuri për veshje të veçanta për nënat e ardhshme, kaloni nëpër dollapët dhe sirtarët e komodinës. Çdo xhaketë sportive e madhe ose një bluzë më e lirë do të duket bukur tek ju.
4. Krijoni një çantë me ushqimet e nevojshme
Çdo grua shtatzënë nëse largohet nga shtëpia pa asnjë produkt ushqimor në çantë, ka shumë mundësi që të ndihet e uritur dhe ndoshta do të blejnë diçka të pashëndetshme në dyqanin më të afërt. Të kesh një çantë të vogël ushqimesh të mbushura me arra do t’ju ndihmojë të kaloni një ditë të vështirë pa u ndjerë të uritura. Mos harroni çokollatën e zezë, e cila është e mirë për zemrën tuaj dhe e pasur gjithashtu me fibra dhe hekur.
5. Pelena ekonomike
Disa pelena ose produkte me përmasa të vogla mund t’ju ndihmojnë të kurseni para gjatë muajve të parë. Shumë kompani ofrojnë komplete dhe kuti mirëseardhjeje për nënat e ardhshme që janë të mbushura me gjëra të mira që mund t’ju duhen juve dhe foshnjës suaj dhe janë me çmime të arsyeshme.
6. Rezistojini dëshirës për të blerë rroba për të porsalindurit
Rrobat për të porsalindurit janë kaq të lezetshme, por sapo të ndani lajmin se jeni në pritje të ëmbël me miqtë dhe kolegët tuaj, shanset janë që do të mbusheni me dhurata për fëmijë. Me gjasa do të keni mjaft rroba derisa i porsalinduri të rritet prej tyre, kështu që përpiquni t’i kurseni blerjet kur fëmija juaj është më i madh dhe ka më pak dhurata.
7. Thuaj po për ‘baby showers’
Një nga përfitimet e shumta të pritjes së një fëmije është se miqtë dhe anëtarët e familjes duan të blejnë dhurata për fëmijën që ende nuk ka lindur. Bashkëpunëtorët ose fqinjët tuaj mund të dëshirojnë t’ju bëjnë një festë për fëmijën dhe krijimi i kësaj është një mënyrë e shkëlqyer për të identifikuar artikujt që do t’ju nevojiten për të voglin tuaj.
