Orkestra e Harqeve të Durrësit i kthehet koncerteve me publik, në Amfiteatrin Antik, me një koncert-homazh për ata që nuk janë më.
Programi artistik u hap me veprën “COVID-19” të shkruar posaçërisht për pandeminë nga kompozitori grek Antoni Papadimitriu. Në premier u interpretua edhe elegjia e kompozitorit durrsak Ylli Ramzoti që humbi bashkëshorten nga COVID-19.
Me dirigjent Petrika Afezollin dhe i moderuar nga aktorja e teatrit të Durrësit Mimoza Marjanaku koncerti përcolli emocione të forta.
Duke nisur nga Gjergj Vlashi, Guljem Radoja, instrumentistët Ilir Reka, Andrea Canaj, bashkëshortja e Ramzotit…po nuk është një koncert thjesht për miqtë e munguar, po për të gjithë ata që na ikën, -u shpreh dirigjenti Petrika Afezolli.
Ndonëse nisi me vepra kushtuar pandemisë dhe atyre që humbën jetën gjatë saj, koncerti vijoi me të tjera vepra të kompozitorëve vendas dhe botërorë duke u kthyer në një dedikim për triumfin e jetës ndaj frikës dhe vdekjes.
