Fjolla Morina mund të themi pa pikën e dyshimit se ka qenë personazhi më i përfolur i showbiz-it kohëve të fundit dhe gjithë vëmendjen e portaleve e ka patur nga vetja. Këngëtarja në një mënyrë apo tjetër ka ditur si të kthejë sytë e publikut nga vetja dhe së fundmi duket se ka vendosur të ironizojë vajzat e showbiz-it.
Pak më parë, Fjolla ka publikuar një Instastory ku teksa shfaqet duke u grimuar nga një make-up artist ka shkruar “Pa filtra”, teksa duket qartazi që ka përdorur efekte Instagrami. E në një kohë kur vajzat po i përdorin shumë efektet në rrjete sociale, duket se Fjolla ka vendosur t’i ironizojë pak.
Para pak ditësh këngëtarja nga Kosova, Fjolla Morina u lirua nga paraburgimi. Sipas avokatit mbrojtës, Fanol Krasniqi, gjykata refuzoi kërkesën e Prokurorisë për ekstradimin e saj në Shqipëri dhe iu ndërpre masa e paraburgimit.
E dënuar në mungesë në vendin tonë për trafik armësh, Morina u arrestua në Prishtinë në korrik, pas 10 muajsh arrati për shkak se u largua nga shtëpia në Kukës ku qëndroi 4 muaj, drejt Kosovës. Ajo tha se ditën kur policia i shkoi në shtëpi për të kontrolluar nëse gjendej aty, ndodhej në spital pasi vuante nga depresioni. Më pas, kur mësoi se uniformat blu i kishin shkuar në banesë, u frikësua dhe u largua për në Kosovë.
35-vjeçarja ishte shpallur në kërkim ndërkombëtar nga Interpoli, pasi vitin e kaluar në pikëkalimin e Morinës në kufirin mes Kosovës e Shqipërisë u kap me dy pistoleta pa leje, në makinën ku udhëtonte e shoqëruar nga dy persona, njëri prej të cilëve biznesmeni Fisnik Syla, bashkëshorti i saj.
Fjolla gjatë arratisë së saj u martua me Fisnik Sylën, por së fundmi thashethemet po qarkullojnë se mos ndoshta dyshja janë ndarë. Këngëtarja mbylli llogarinë e saj në Instagram përkohësisht dhe e rihapi sërish më vonë. Ajo që na bëri përshtypje është që Fjolla ka rikthyer shumë pak foto dhe ndër to asnjëera nuk është me Fisnikun, i cili gjithashtu ka fshirë postimet me të. Dyshja gjithashtu nuk ndiqen më me njëri- tjetrin.
Nuk dimë çfarë po ndodh mes tyre, megjithatë urojmë të mos jetë asgjë serioze.
