Çdo ditë që kalon bëhet më dinamike situata brenda shtëpisë më të famshme në Shqipëri, “Big Brother VIP”, ku zbulohen shumë të pathëna dhe konkurrentët afrohen më shumë me njëri -tjetrin. Por ata që janë komentuar më së shumti janë dy prej banorëve, Fifi dhe Graniti.
Ata janë komentuar kudo në rrjet si çifti i parë i mundshëm në shtëpinë e “Big Brother VIP”, ndonëse refuzojnë të pranojnë se mes tyre ka diçka më shumë se shoqëri. Por sado që e mohojnë, afrimiteti mes tyre gjithmonë “i ka nxjerrë zbuluar”. Para disa netëve, dyshja u shfaqën teksa qëndronin në krevatet e tyre ngjitur me njëri-tjetrin dhe fjalët e ëmbla që thonin ishin gjithçka na duhej për të vërtetuar se mes tyre vërtet po lindte diçka.
Mirëpo, duket se gjithçka mori kthesë mbrëmjen e djeshme kur duke qëndruar në krevat bashkë me banorët e tjerë, Graniti i ka rrëfyer Fifit ndjenjat e tij të vërteta dhe kjo gjë duket se e lëndoi shumë Fifin, e cila u largua menjëherë.
Është zgjatur pak si shumë, të dua si person por…
Graniti shkoi pas këngëtares, por ajo i tha se nuk ka punë më me të dhe kërkon nga ai që ta lë rehat, pas këtyre fjalëve Graniti u largua dhe u bë pjesë më grupin tjetër të banorëve ku edhe iu tregoj për atë që ndodhi.
