Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Fashion

Meshkujt e veshur më mirë gjatë muajit nëntor 2021!

Disa njerëz thonë se moda është e paqëndrueshme dhe e çuditshme dhe këta njerëz kanë absolutisht të drejtë. Ato gjithashtu përmbledhin vetëm disa nga arsyet pse, në kohë shqetësuese dhe me motin e ftohtë pranë nesh, nuk na pëlqen asgjë më shumë sesa të shikojmë fotot e njerëzve që shijojnë jetën e tyre dhe duken të mrekullueshëm ndërsa e bëjnë këtë.

Këtu, ne kemi grumbulluar meshkujt më elegant të muajit nëntor dhe po i prezantojmë me ju:

1.Jake Gyllenhaal

Jake Gyllenhaal ka pasur gjithmonë një qasje pa rrezik kur bëhet fjalë për veshjen e tij. Edhe kur është i veshur nga Gucci, një markë që të jep pushtet të lirë për t’u çlodhur sa të duash ai ecën në një rrugë më pak përçarëse, me një xhaketë me jakë të gjerë të DUNHILL, këmishë me jakë të TOM FORD, pantallona mustardë dhe një orë Santos de Cartier e që duket sikur po luan filmin “Tony Manero”. Sa i përket zgjedhjes për të shkuar pa kravatë në një ceremoni zyrtare, mund të supozojmë vetëm se, nëse thashethemet janë të vërteta, ai po kursen qafën e tij për shallin e kuq të Taylor Swift.

2.Dwyane Wade

Nuk jeni të sigurt se si t’i qaseni kurimit të një gamë ngjyrash pa probleme për veshjen tuaj? Qëndroni te veshja e gjigantit të NBA-së, Dwyane Wade. Bluza e tij e thjeshtë gri deri te çorapet po prap gri, pantallonat e bardha me bel të lartë të MR P., pallto e KINGSMAN e bëjnë atë të duket më tepër se magjepsës.

3.Jeremy Irons

Jeremy Irons u shfaq në premierën e filmit të ‘House Of Gucci’ i veshur me ato që mund të përshkruheshin vetëm si veshje të katër njerëzve të ndryshëm në të njëjtën kohë. Çizmet e kalërimit, kapuçi i punuar me grep e S.N.S HERNINGN, bluza e JOHN SMEDLEY e bëjnë atë të duket një tjetër nivel. Shija e tij na ka magjepsur të gjithëve.

4.Lil Nas X

Lil Nas X ka nënkuptuar termin biznes në vitin 2021. Ndoshta ka qenë çështja e albumit të tij të madh debutues ‘Montero’. Pra, ka kuptim që muzikanti 22-vjeçar do ta përmbyllte vitin duke u veshur si për punë, me rastin e marrjes së çmimit ‘WSJ Magazine Innovator’ në New York. I veshur me një pallto VALENTINO, këmishë të bardhë, fustan, çizme me platformë RICK OWENS dhe një çantë Dachshund, stili i Lil Nas është thjesht profesional dhe i pastër.

5.Tom Holland

Spider-Man me look-un e tij fantastik në një ngjarje shtypi në Los Angelos. Kostum më të bukur e më stil se ky nuk kishim parë deri më tani. Nëse doni ta dini kostumi është i DRIES VAN NOTEN dhe ngjyra e këtij kostumi duket kaq bukur nën lëkurën e Holland. Kombinimi me syzet MR LEIGHT është gjithçka që i duhej këtij look-u.

6.Tyler Mitchell

A nuk është vërtet turp që Tyler Mitchell e kalon pjesën më të madhe të kohës pas objektivit të tij? Kjo nuk do të thotë se ai nuk është një fotograf i mrekullueshëm, ka qartë një arsye pse ai është njeriu më i rezervuar dhe më i zënë në planet këto ditë. Thjesht imazhet e tij teksa shfaq stilin e tij të patëmetë janë shumë më të rralla nga sa do të donim. I veshur me një kostum me pantallona të shkurtër blu me vija nga ACNE STUDIOS, këpucë GUCCI dhe këmishë ‘vintage’ në Gala-në e shkëlqyer Art + Film të LACMA të sponsorizuar nga Gucci, Tyler duket thjesht i mrekullueshëm.

7.Suga from BTS

Sado të liga dhe makabre të jenë motivet e tyre, gangsterët kanë qenë gjithmonë një popull me stil. Çfarë nuk do të jepnim për numrin e telefonit të një rrobaqepësie të Ndrangheta-s të viteve 1950, përshembull. Suga dhe BTS e kanë marrë këtë ide dhe e kanë ndjekur duke u shfaqur sikur të ishin një bandë e pajisur nga shtëpitë më të mira të modës të shekullit të 21-të. Por ata vërtetojnë një pikë të rëndësishme. Nuk është e nevojshme të kryeni akte të tmerrshme dhune për t’u dukur bukur. Ju thjesht mund të jeni grupi pop më i suksesshëm në botë.