Khloe Kardashian e mbylli vitin 2021 me një nga thëniet e saj klasike që me sa duket aludon për problemet në jetën e saj personale. Bashkëthemeluesja e “Good American” postoi një mesazh në llogarinë e saj në Instagram duke folur për “momente të dhimbshme”, të cilat mund t’i referohen skandalit të padisë së atësisë së ish-partnerit të saj, Tristan Thompson me Maralee Nichols. Ajo shkruan:
Do të ketë momente shumë të dhimbshme në jetën tuaj që do të ndryshojnë të gjithë botën tuaj brenda pak minutash. Këto momente do t’ju ndryshojnë. Lërini t’ju bëjnë më të fortë, më të zgjuar dhe më të sjellshëm. Por mos u bëni dikush që nuk jeni. Qani. Bërtisni nëse duhet. Pastaj drejtoni atë kurorë dhe e vazhdoni të lëvizni përpara.
37-vjeçarja nuk ka komentuar ende publikisht për tradhtinë e fundit të Thompson, duke qëndruar e heshtur rreth temës që bëri buj të madhe. Siç ishte raportuar më parë në Page Six, Nichols pretendoi në një padi për atësinë se ajo dhe Thompson kishin patur marrëdhënie seksuale gjatë fundjavës së ditëlindjes së tij të 30-të, ndërsa ai ishte ende në lidhje me Kardashian, e cila rezultoi në një shtatëzani. Thompson pranoi se kishte kryer marrëdhënie seksuale me Nichols, por mohoi të ishte babai i djalit të saj të porsalindur, i cili lindi më 1 dhjetor.
Ndërsa Thompson nuk ka komentuar ende për skandalin, Nichols theu heshtjen e saj kur ndau foton e parë të djalit të saj. Në foton e postuar ajo shkroi:
Në vend që të fokusohem në çdo negativitet, unë po zgjedh të përqafoj të qenurit nënë dhe të bëj më të mirën që mundem për djalin tim. Unë nuk dua vëmendje të mëtejshme mediatike, as nuk dua një marrëdhënie romantike me Tristan. Qëllimi im është të rris djalin tonë në një mjedis të sigurt, të shëndetshëm, të dashur dhe privat.
