Me siguri të gjithë stresoheni kur mendoni ndërrimin e gardërobës suaj. Të gjitha rrobat e dimrit që duhet të hiqni, pastrimi i garderobës, etj të gjithë këto bëhen një makth. Por në realitet, gjetja e veshjeve të vitit të kaluar dhe heqja e atyre që sapo keni përdorur mund të kthehet në një moment plot surpriza dhe mbi të gjitha pozitiv për mirëqenien tuaj psikologjike.
Rregullimi i dollapit sjell përfitime të shumta. Do të ndiheni sikur keni dalë për shopping. Ka teori të rëndësishme që demonstrojnë se si rendi në mjediset në të cilat jetojmë pasqyron gjithashtu rendin tonë mendor. Nëse i rregulloni rrobat dhe këpucët tuaja në mënyrën më të përshtatshme, do të ndiheni më mirë dhe do të jeni në gjendje të shijoni një ndjenjë të madhe kënaqësie dhe mirëqenieje.
Momenti i ndërrimit të garderobës është rasti ideal për t’u çlodhur, ose më mirë për të hequr qafe ato veshje që i kemi mbajtur nëpër sirtarë, por nuk i kemi veshur kurrë. Duhet të mendoni të eliminoni rrobat që nuk janë në madhësinë tuaj, ato që janë konsumuar me kalimin e kohës dhe ato që thjesht nuk i vishni sepse nuk janë më shija juaj.
Duke eliminuar artikujt e tepërt dhe duke mbajtur ato që ju përfaqësojnë më mirë, do të ndiheni në ekuilibër me veten dhe do të rifitoni besimin në aftësinë tuaj për të zgjedhur. Imagjinoni sa argëtuese mund të jetë të rizbuloni veshjet e stinëve të kaluara për t’i përshtatur ato me tendencat e sotme. Kur temperaturat rriten, të dukesh plot stil por njëkohësisht të jesh e freskët mund të duket si një sfidë. Klikoni në këtë link për pjesët e garderobës të provuara dhe të testuara për të qëndruar elegante në vapë dhe për t’i veshur në mënyrë të përsëritur.
