Dëgjo live TOP ALBANIA RADIO
Dëgjo live TOP GOLD RADIO
Dëgjo live MY MUSIC RADIO
Voto në THE TOP LIST
Aktualitet

Ndërron jetë Ilir Dashi, shërbeu në detyra të rëndësishme shtetërore!

Një sëmundje e rëndë dhe e pashërueshme u bë shkak për ndarjen e parakohshme nga jeta të ish-politikanit e biznesmenit, Ilir Dashi. Përmes rrjeteve sociale, lajmin e bënë të ditur miq dhe të afërm të të ndjerit.

Ceremonia e varrimit për t’i dhënë lamtumirën e fundit zhvillohet nesër në orën 11.00.

Ilir Dashi e filloi karrierën si aktor në filma të ish-Kinostudios “Shqipëria e Re”. Më pas u përfshi në biznes e më tej në politikë kur mori ftesë nga LSI për t’iu bashkuar kësaj force politike. Përveçse kryetar i LSI-së në Tiranë, ka qenë drejtor në Bashkinë Tiranë, ish-drejtor i QSUT-së dhe drejtor i Hekurudhave.

Vitin e fundit jetonte në një vend të Afrikës nga ku ishte kthyer javët e fundit për të kaluar ditët e fundit të jetës në vendlindje.

Presidenti i Republikës, Ilir Meta i shpreh ngushëllime familjarëve dhe në një postim në rrjetet sociale shkruan:

I prekur thellë nga humbja e parakohshme e mikut të paharruar, Ilir Dashi.

Shumë dhembje për ndarjen e tij nga jeta, në kulmin e energjive dhe angazhimeve të shumta.

Ngushëllimet më të ndjera familjarëve, miqve dhe kolegëve të tij!

Të prehet në paqen e merituar!