Një ngjarje e rëndë ka ndodhur së fundmi në bordin e një avioni të “British Airways”, ku një vajzë 14-vjeçare rrezikoi të humbiste jetën. E mitura kaloi një moment tmerri, ku një pasagjer hapi një pako kikirikë në avion, ndaj të cilave vajza ishte alergjike. Poppy Jones ishte duke udhëtuar me nënën e saj dhe gjendja e saj u përkeqësua aq shumë sa kapiteni i avionit mendoi të bënte ulje emergjente. Pasi avioni u ul në aeroportin “Gatwick”, e reja u dërgua me urgjencë në spital.
Nëna e vajzës, Joanna, e cilësoi një makth udhëtimin dhe tregoi për ‘Daily Mail’ se pasagjeri i sipërpërmendur refuzoi të ndalonte konsumin e kikirikëve, pavarësisht se u paralajmërua dy herë. Alergjia nga kikiriku haset në rreth 0.6% të popullatës dhe është një formë e rëndë e alergjisë ushqimore që mund të shkaktojë edhe humbjen e jetës, sidomos te personat që vuajnë nga astma.
Mund të largohet rrallë me rritjen e moshës, vetëm në 20% të rasteve, duke e bërë atë një nga format më të shpeshta të alergjive ushqimore në të rritur. Ekspozimi aksidental ndaj produkteve që përmbajnë kikirikë është një problem i zakonshëm, kështu që këta persona duhet të ndjekin një dietë strikte pa kikirikë, të mbajnë me vete një byzylyk ku shënohet kjo alergji dhe një dozë epinefrine gjithmonë me vete.
Ndërkaq, alergjitë ushqimore janë jashtëzakonisht të zakonshme. Në fakt, ato prekin rreth 5% të të rriturve dhe 8% të fëmijëve dhe këto përqindje janë në rritje. Është interesante, megjithëse është e mundur që çdo ushqim të shkaktojë alergji, shumica e alergjive ushqimore shkaktohen nga vetëm disa ushqime në veçanti.
Një alergji ushqimore është një gjendje në të cilën disa ushqime shkaktojnë një përgjigje imune jonormale. Kjo shkaktohet nga sistemi juaj imunitar që gabimisht i njeh disa nga proteinat në një ushqim si të dëmshme. Trupi juaj më pas fillon një sërë masash mbrojtëse, duke përfshirë çlirimin e kimikateve si histamina, e cila shkakton inflamacion.
