Lionel Messi ka shfrytëzuar profilin e tij privat në rrjetet sociale për të reaguar pas fitores së Argjentinës ndaj Meksikës të shtunën mbrëma.
Përfaqësuesja e Argjentinës ka fituar me rezultat 2-0 ndaj Meksikës në ndeshjen e vlefshme për Grupin C në Kampionatin Botëror “Katar 2022”.
Golat në këtë fitore të parë të kombëtares Albiceleste në Katar u shënuan nga Lionel Messi (64’) dhe Enzo Fernandez (87’).
Lojtari i ndeshjes padyshim se ishte Messi me një gol dhe një asistim, ndërsa pas ndeshjes tregoi se tri pikët ishin domosdoshmëri.
“Ne duhej të fitonim sot dhe e bëmë atë. Është një tjetër finale që vjen të mërkurën dhe duhet të vazhdojmë të luftojmë të gjithë së bashku… Përpara Argjentina”, ka shkruar Messi në profilin e tij.
Ndryshe, Argjentina të mërkurën e zhvillon ndeshjen e fundit në grup ndaj Polonisë.
Pas një sezoni super të suksesshëm në Pasó’ Euro 2020, Top Albania Radio vjen me një mbulim 360° të Kampionatit Botëror të Futbollit Katar 2022. Me analiza, informacione, të ftuar specialistë të futbollit, personazhe VIP dhe tifozë, si edhe situata gazmore për të përcjellë një atosmferë energjike në radio dhe për të vazhduar traditën e informacionit sportiv live në valët e radios më të dëgjuar shqiptare në botë.
Glent Nallbani, Edi Manushi, Redi Jupi, Lorenc Jemini dhe Gëzim Sinemati mendojnë për të gjithë ju dashamirës të futbollit duke ardhur me një emision të dedikuar plotësisht Botërorit të parë dimëror në histori. Pasó Mondial, një program sportiv prej 60 minutash, duke filluar nga 21 Nëntori, çdo ditë ora 14:00 në Top Albania Radio!
Çdo ditë, 14:00
